இர‌ட்டை வேட‌ம்.

'பாலுக்கும் காவ‌ல், பூனைக்கும் தோழ‌ன்' என்ற சொல் வ‌ழக்கு அன‌வ‌ரும் அறிந்த‌துதான். ஆனால் அந்த‌ மாதிரி ஆள் யார் எனக் கேட்டால், "பிள்ளையைக் கிள்ளி விட்டுட்டு, தொட்டிலையும் ஆட்டுப‌வ‌ர்க‌ள்" என்ற‌ இன்னொரு ப‌ழமொழியைச் சொல்லி நழுவி விட‌லாம்.  இவ‌ர் ந‌ல்ல ம‌னுஷன், அவர் கொஞ்ச‌ம் அப்ப‌டி இப்ப‌டி எனச் சொல்வ‌து போல், இந்த‌ வேட‌தாரிக‌ளை, இன்னார் தான் அப்ப‌டி என‌ச் சுட்டிக்காட்டுவ‌து சிர‌ம‌ம்.

ஏனெனில் இவ்வள‌வு கேவ‌லமாய்/வேக‌மாய் இர‌ட்டை வேட‌ம் போடுப‌வர்க‌ளைப் பற்றி ம‌க்க‌ள் அறிந்திருந்தாலும், கேள்விப்ப‌ட்டிருந்தாலும், தெரிந்தே இருந்தாலும் வெளிப்ப‌டையாய் நிரூபித்த‌ல் சிர‌ம‌ம். காரண‌ம் அந்த‌ க‌ருத்தை ஆத‌ரிக்க‌ அல்ல‌து எதிர்க்க‌ அவர்க‌ளிட‌ம் இர‌ண்டுவித‌மான க‌ருத்துக்க‌ளும் இருக்கும். அவர்க‌ளே ஒரு வேஷதாரிக‌ள் தானே. ப‌ச்சோந்தி போல‌ இட‌த்திற்கு த‌க்க‌ த‌ன் க‌ருத்தை மாற்றிக் கொள்வார்க‌ள். சொல் ஒன்று, செய‌ல் ம‌ற்றொன்று. உள்ளே ஒன்றும், வெளியே ஒன்றுமாய் வாழ்ப‌வ‌ர்க‌ள்.

ச‌ரி இந்த இர‌ட்டை வேட‌தாரி யார்?  ஏன் இவ்வ‌ள‌வு பெரிய‌ அறிமுக‌ம் எனில், இந்த‌ க‌ட்டுரையின் க‌தாநாயகி, இத்தாலிய‌ வித்து, இந்திய‌ காங்கிர‌சின் சொத்து, த‌மிழ‌க திமுக த‌லைவ‌ரின் சொக்க‌த் த‌ங்க‌ம் திரும‌தி சோனியா காந்திதான்.‌ ராஜிவ் கால‌த்திலேயே அந்நிய‌ வ‌ங்கியில் 2.2 மில்லிய‌ன் டால‌ர் அவர் பெய‌ரில் இருக்கிற‌து என்ப‌து ப‌ல வ‌லைத்த‌ள‌ங்க‌ளில் ராஜிவ் ப‌ட‌த்தோடு (ம‌ற்ற ஆப்பிரிக்க‌, வ‌ளைகுடா அதிப‌ர்க‌ளின் ப‌ட‌ங்க‌ளோடு) கிடைக்கிற‌து. ஆனால் டாஸ்க் போஃர்ஸ் என்ற‌ இந்திய‌ சுய‌ந‌ல‌க் குழு அதைச் சொன்னால், சோனியா சோகமாகி விடுகிறாராம், இதய‌ம் வ‌லிக்கிற‌தாய், அத்வானிக்கு த‌னி க‌டித‌ம் எழுதுகிறார். அவரும் ம‌ன்னிப்பு கேட்கிறார். அதை அத்வானி பொய் குற்ற‌ம் சாட்டி பின் அத‌ற்கு வ‌ருந்திய‌து போல் காங்கிர‌ஸ் திரித்து கூறுகிற‌து.

60 கோடிக‌ள் போப‌ர்ஸ் ஊழ‌லால், தேர்த‌லில் த‌ன் ச‌க ந‌ண்ப‌ரிட‌மே (V.P. சிங்) தோற்ற‌ ராஜிவ், அதை ம‌றைக்க‌ ஆடிய‌ சிபிஐ நாட‌க‌ம், ஜெபிசி விசார‌ணை எல்லாம் அர‌சாங்க‌ ரெகார்டுக‌ளாக கிட‌ங்கில் கிட‌க்கின்ற‌ன. இத்தாலிய‌ த‌ர‌க‌ர் குவேட்ரோச்சி வாங்கிய‌ க‌மிஷன் ப‌ணம் 41 கோடிக்கு வரி செலுத்த வேண்டும் என்று வருவாய் துறை த‌னிக்குழு கூறிய‌ பின்பும், அவ‌ரை பிடிக்க முடிய‌வில்லை ஆகவே வ‌ழக்கில் இருந்து விடுவிக்க‌ வேண்டும் என்று வ‌ழக்கையே இர‌ண்டு மாத‌ங்க‌ளுக்கு முன் கை க‌ழுவி விட்ட‌து சிபிஐ. ஆனால் குவேட்ரோச்சியின் முந்தைய‌‌ கார் ஓட்டுநர், ராஜிவ் சாப் இற‌ந்த‌பின்பு 21 முறை இவ‌ர் (குவேட்ரோச்சி) சோனியாவின் வீட்டுக்குப் போயிருக்கிறார் என்கிறார். சிபிஐ அவ‌ரை அந்த‌ 21 முறையில் ஏன் ஒரு முறை கூட‌ கைது செய்ய‌ ‌வில்லை?

யுபிஏ 1-ல், 123 யுஎஸ் அணு ஒப்ப‌ந்த‌ பேர பாராளுமன்ற‌ ஒப்புத‌லில் நட‌ந்த‌ வாக்கெடுப்பில் பண‌ம் ப‌யன்ப‌டுத்த‌ப்ப‌ட்ட‌தாய் விக்கிலீக் செய்தி வெளி வ‌ந்த‌து. அதை ந‌ம்ப‌கத்த‌ன்மை இல்லாத‌ செய்தி என்கிறார் பிர‌த‌ம‌ர். த‌ற்போது ஓய்வு பெற்ற‌, அப்போதைய‌, யுஎஸ் தூதுவ‌ர் மெல்ப‌ர்ட் லீக்கான செய்தியை ஒத்துக் கொள்கிறார். ந‌ம் அர‌சிய‌ல்வாதிக‌ள் போல் யுஎஸ் தூதுவ‌ர்க‌ள் பொய் சொல்ல‌ முடியாது. ம‌றுப‌டியும் ம‌க்க‌ள் எங்க‌ளுக்கே வாக்கு அளித்து விட்ட‌தால் யுபிஏ 1ன் செய‌ல்க‌ளை ம‌க்க‌ள் அங்கிக‌ரித்தாய் எடுத்துக் கொள்கிறார். ஆனால், இதே ம‌க்க‌ள் போப‌ர்ஸ் விசார‌ணையின் போது ந‌ட‌ந்த‌ தேர்த‌லில் ராஜிவ் காந்தியை தேற்க‌டித்த‌ன‌ர். அப்ப‌டியானால் அந்த‌ ஊழ‌லுக்கு காங்கிர‌சும் ராஜிவும் பொறுப்பு ஏற்று கொண்டார்க‌ளா? ஏன் இர‌ட்டை வேட‌ம் போடுகிற‌து இந்த‌ காங்கிர‌ஸ்?

இதே வேலையை இப்போது அன்னா ஹ‌சாரியாவின் லோக்பால் அமைப்பு குழு விவ‌கார‌த்திலும் பாம்புக்குத் தலையையும், மீனுக்கு வாலையும் காட்டும் விலாங்கு மீன் வேலை காட்டுகிறார்க‌ள். இவ‌ர்க‌ளின் இந்த‌க்‌ க‌ப‌ட வேட‌ம் அடுத்த‌ ப‌திவுக‌ளில்...