முத்துக்குமார் மூட்டிய‌ 'தீ'.

                                  முத்துக்குமாரின் இரண்டாவ‌து நினைவு நாளில்...

ஈழ‌த்த‌மிழ‌ர்க‌ளின் இன்றைய‌ நிலைக்கு முக்கிய‌ கார‌ண‌ம், அவ‌ர்க‌ள் இந்திய‌ த‌மிழ‌ர்க‌ளையும் ந‌ம்பிய‌து. 80 களின் துவ‌க்க‌த்தில் தொட‌ங்கிய‌ இந்த‌ ஈழ‌ துய‌ர‌ வ‌ர‌லாறின் ச‌ரிவுக்கு மு.க‌, M G R இருவ‌ரின் தனிப்ப‌கையும், விடுத‌லை இய‌க்க‌ங்க‌ளின் உட்ப‌கையும் முக்கிய‌மான‌வை. இய‌க்க‌ங்களின் மீதான இந்திய‌ ஆளுமை, இந்திரா, ராஜீவ்,ஜெய‌வ‌ர்த்னே உட‌ன்பாடு, IPKF என்ற‌ ப‌ரிணாம‌ வள‌ர்ச்சி, ஏற்ற‌ இற‌க்க‌ங்க‌ள் கொண்ட‌ அபாய‌க‌ர‌‌ வ‌ளைவுக‌ள் கொண்ட‌‌து. ராஜீவ் துர்ம‌ர‌ணத்துக்குப் பின், விடுத‌லை புலிக‌ள் ம‌ட்டுமே என்ற‌ நிலையில், எம்ஜியார் ம‌றைவுக்குப் பின் வ‌ந்த‌ அர‌சிய‌ல் மாற்ற‌ங்க‌ள் தமிழ‌கட்சிக‌ளின் (ஜெயா/முக) சுய‌ரூப‌ம் தன்ன‌ல‌ம் ம‌ட்டும் தான் என, ஈழ‌த்தமிழ‌ர்கள் முழுமையாய் அறிய‌வில்லை. த‌மிழ‌த் திரைத்துறையும், ப‌த்திரிக்கை துறையும், ம‌ற்ற‌ ஊட‌க‌ங்க‌ளும், புலம் பெய‌ர்ந்த‌ ஈழ‌த்த‌மிழ‌ர் ஆத‌ர‌வு கூச்சல்‌, உல‌க‌ச் ச‌ந்தை வியாபார‌த்திற்காக மட்டுமே, இச்சூழ‌லை ப‌யன்ப‌டுத்திக் கொண்டார்கள்‌?

ஜ‌ன‌வ‌ரி-2ல் கிளிநொச்சி வீழ்ந்த‌ பின், த‌மிழ‌கத்தில் மீண்டும் ஒரு பெரிய‌ ஆத‌ர‌வு அதிர்வு இல‌ங்கைய‌ர‌சின் இன ஒழிப்புக்கு எதிராய் கிளம்பிய‌து. அந்த‌த் தீவிர‌ம் ஒருமுக‌ப்ப‌டுத்த‌ப் ப‌டாம‌ல், வைகோ/நெடுமாற‌ன், பாட்டாளி க‌ட்சி, திரைப‌ட‌த்துறை, அதிமுக, த‌தேதிக, க‌ம்யூனிஸ்ட், சிறுத்தை, தோலான், துருத்தி எனப் ப‌ல‌ரால் பிரிக்க‌ப‌ட்டு, ப‌ல‌ திக்குக‌ளில் சிக்கி சீர்குலைந்து இல‌க்கின்றி இளைத்து க‌லைத்து க‌லைந்தது.

ஜ‌னவ‌ரி இறுதியில் முத்துக்குமார் மூட்டிய‌ தீ மீண்டும் தமிழ‌ர்க‌ளின், குறிப்பாய் மாண‌வ‌ர்க‌ள் மற்றும் வ‌ழ‌க்க‌றிஞர்க‌ளின் உணர்வைச் சுட்ட‌து. எழுச்சிக‌ளின் ஆணிவேராகிய‌ ம‌ண‌வ‌ர்க‌ளை,  க‌ல்லூரி விடுமுறை,  உட‌ன‌டி ஹாஸ்ட‌ல் மூட‌ல் போன்ற‌‌  அதிர‌டி  ந‌ட‌வ‌டிக்கை முட‌மாக்கிய‌து (மாண‌வ‌ர்க‌ளின் இந்தி எதிர்ப்பால் ப‌த‌விக்கு வ‌ந்த‌ திமுக‌ அர‌சு.) இத்த‌கு கொதி நிலையில் த‌மிழ‌கம் இருந்த‌ போது, முத‌ல்வ‌ர் முதுவ‌லியால்  ராம‌ச்சந்திரா மருத்துவ‌ம‌ன‌யில் ப‌டுத்து விட்டார். அதே நேர‌ம் (பிப்ர‌வ‌ரி 19ல்) சென்னை உய‌ர் நீதி ம‌ன்ற‌ வ‌ள‌கத்தில் ந‌ட‌ந்த‌ போலிஸ் Vs வ‌ழக்க‌றிஞர்க‌ளின் மோத‌ல், ஈழ‌ ஆத‌ர‌வு‌ நெருப்பில் மேலும் த‌ண்ணிர் விட்டு த‌ணித்த‌து.

இதற்கிடையில் ஜ‌னவரி முத‌ல் ஏப்ர‌ல் வ‌ரை என்னென்னவோ இழப்புக‌ள், நம்பிய‌ தேச‌த்தில், உல‌க‌த் த‌மிழரின த‌லைவ‌ர் ஏப்ர‌ல்-27 ல், அண்ணா ச‌மாதி அருகே உண்ணாவிர‌த‌ம் இருந்தார். உள்துறை அமைச்ச‌ர் சித‌ம்ப‌ர‌ம் அவ‌ர்க‌ளின் இல‌ங்கையில் போரின் தீவிர‌ம் குறைந்த‌து என்ற‌ அறிவிப்பை ஏற்று விர‌த‌ம் க‌லைத்தார். அதே நாளில் தான், அங்கே க‌ள‌த்தில் மிகப்பெரிய‌ திருப்ப‌ம் ந‌ட‌ந்த‌தாய் அங்கிருந்த‌வ‌ர்க‌ள் சொல்கிறார்க‌ள்.

மேலும் பார‌ளும‌ன்ற‌த்தேர்த‌ல் நெருங்குவ‌தால், அன்னை சோனியாவுடனான கூட்டு பிர‌ச்சார‌ம் தீவுத்திட‌லில் மே-6 ல், நட‌க்க‌ வேண்டிய‌து,  ராகுலின் ஜெயா ப‌ற்றிய பேச்சின் தாக்க‌ம், முத‌ல்வ‌ர் உட‌ல்நிலை மற்றும் பாதுகாப்பு போன்ற‌ ப‌ல கார‌ண‌ங்க‌ளால் த‌ள்ளி வைக்கப்பட்டு, மே-11 ல் நட‌ந்தது. முத‌ல்வ‌ருட‌ன் மேடையில் இருந்த‌ சோனியா ஈழ‌த்த‌மிழ‌ரின் பாதுகாப்பு ப‌ற்றி பேசினார். இறுதிக‌ட்ட‌ தேர்த‌ல் மே 13ல் ந‌ட‌ந்த‌து. மே-16ல் யுபிஎ ம‌றுப‌டியும் வென்ற‌து.

இல‌ங்கை அர‌சு மே-18ல் பிர‌பாக‌னின் ம‌ர‌ணச் செய்தியை அறிவித்த‌து.

தமிழ‌க‌க் க‌ழ‌க‌ம் ம‌ந்திரி ப‌த‌விக‌ளுக்காக‌, டெல்லி நோக்கி ப‌ய‌ண‌ம் தொட‌ங்கிய‌து.